નવરાત્રી પર્વ નિમિત્તે ખેડબ્રહ્મા પોલીસ સ્ટેશનમાં શાંતિ સમિતિની બેઠક યોજાઈ..

સાબરકાંઠામાં-:
આવતીકાલથી શરૂ થઈ રહેલા નવરાત્રી પર્વને ધ્યાનમાં રાખીને ખેડબ્રહ્મા પોલીસ સ્ટેશન ખાતે એક મહત્વપૂર્ણ શાંતિ સમિતિની બેઠક યોજાઈ હતી.આ બેઠકનો મુખ્ય ઉદ્દેશ્ય આગામી તહેવારો દરમિયાન કાયદો અને વ્યવસ્થાની પરિસ્થિતિ જાળવી રાખવાનો હતો.

આ શાંતિ સમિતિની બેઠક પોલીસ ઇન્સ્પેક્ટર ડી એન સાધુ અને પોલીસ સબ ઇન્સ્પેક્ટર એસ એમ વસૈયાની આગેવાની હેઠળ યોજાઈ હતી.બેઠકમાં સ્થાનિક અધિકારીઓ અને સમુદાયના પ્રતિનિધિઓ ઉપસ્થિત રહ્યા હતા.બેઠક દરમિયાન તહેવારો દરમિયાન શાંતિપૂર્ણ માહોલ જાળવી રાખવા માટે જરૂરી પગલાંઓ અંગે ચર્ચા કરવામાં આવી. પોલીસ અધિકારીઓએ નાગરિકોને સહકાર આપવા અને કોઈપણ અસામાજિક પ્રવૃત્તિઓ અંગે તાત્કાલિક જાણ કરવા અપીલ કરી હતી.