વડોદરાની હોસ્પિટલમાં દર્દીએ ત્રીજા માળેથી મોતની છલાંગ લગાવી

વડોદરા શહેરની એક ખાનગી હોસ્પિટલમાં ગંભીર ઘટના બની છે. શહેરની એક જાણીતી હોસ્પિટલના ત્રીજા માળે દાખલ એક દર્દીએ અચાનક જ છલાંગ લગાવી દીધી. આ ઘટનામાં દર્દીનું ઘટનાસ્થળે જ મોત નીપજ્યું હતું.

પ્રાપ્ત માહિતી અનુસાર, દર્દીને કયા કારણોસર હોસ્પિટલમાં દાખલ કરવામાં આવ્યા હતા અને તેણે આત્મહત્યા જેવું પગલું શા માટે ભર્યું તે અંગે હાલ સ્પષ્ટતા નથી. હોસ્પિટલના ત્રીજા માળેથી દર્દીએ છલાંગ લગાવતા સમગ્ર હોસ્પિટલ પરિસરમાં અફરાતફરી મચી ગઈ હતી.

ઘટનાની જાણ થતાં પોલીસ ઘટનાસ્થળે પહોંચી હતી અને મૃતદેહને પોસ્ટમોર્ટમ માટે ખસેડ્યો હતો. પોલીસે આ મામલે વધુ તપાસ હાથ ધરી છે. દર્દીની ઓળખ અને તેના પરિવારજનોનો સંપર્ક કરવાનો પ્રયાસ કરવામાં આવી રહ્યો છે. આ ઘટનાએ હોસ્પિટલની સુરક્ષા વ્યવસ્થા પર પણ પ્રશ્નાર્થ સર્જ્યો છે.