સુરત એરપોર્ટ પર મુસાફરોની મુશ્કેલી: પાર્કિંગ વિવાદે સર્જી હાલાકી

સુરત એરપોર્ટ પર મુસાફરો માટે બહાર નીકળવું અને વાહન મેળવવું એક મોટી મુશ્કેલી બની ગયું છે. એરપોર્ટ પ્રશાસન અને પાર્કિંગ કોન્ટ્રાક્ટર દ્વારા લેવાયેલા વિવાદાસ્પદ નિર્ણયોના કારણે સામાન્ય મુસાફરો, વૃદ્ધો અને નાના બાળકો સાથે મુસાફરી કરતા પરિવારોને પારાવાર હાલાકીનો સામનો કરવો પડી રહ્યો છે.

આ પરિસ્થિતિને કારણે મુસાફરોમાં ભારે આક્રોશ જોવા મળી રહ્યો છે. એક મુસાફરે જણાવ્યું હતું કે, "એરપોર્ટ ઓથોરિટી સ્ટુપિડ છે, તેમને પાર્કિંગ ક્યાં હોવું જોઈએ તેની પણ અક્કલ નથી." આ પ્રકારની ટિપ્પણીઓ એરપોર્ટ પરની વ્યવસ્થા સામે પ્રશ્નાર્થ સર્જી રહી છે.

મુસાફરોની સુવિધાને બદલે અસુવિધા વધી રહી છે, જેના કારણે સુરત એરપોર્ટની પ્રતિષ્ઠા પર પણ અસર પડી શકે છે. તાત્કાલિક ધોરણે આ સમસ્યાનું નિરાકરણ લાવવાની માંગણી મુસાફરો દ્વારા કરવામાં આવી રહી છે.