સુરત મનપા દ્વારા ડોર-ટુ-ડોર કચરા કલેક્શન વ્યવસ્થાને અપગ્રેડ કરવાની કવાયત તેજ

સુરત મહાનગરપાલિકા વિસ્તારમાં ડોર-ટુ-ડોર ગાર્બેજ કલેક્શનને લઈને નાગરિકો તરફથી લાંબા સમયથી ઉઠી રહેલી ફરિયાદો અને અગવડતાઓનો કાયમી નિકાલ લાવવા માટે પાલિકા વહીવટીતંત્ર સક્રિય બન્યું છે.

મનપા કમિશનર રાજકુમાર બેનીવાલ અને ડેપ્યુટી કમિશનર સ્મિત લોઢાના સીધા માર્ગદર્શન હેઠળ કચરા કલેક્શન વ્યવસ્થાને સંપૂર્ણપણે અપગ્રેડ કરવાની કવાયત તેજ કરવામાં આવી છે. આ પગલાંનો મુખ્ય ઉદ્દેશ્ય નાગરિકોને વધુ સારી અને કાર્યક્ષમ સેવા પૂરી પાડવાનો છે.

આ અભિયાન અંતર્ગત આરોગ્ય વિભાગ દ્વારા એક વિસ્તૃત માઇક્રો પ્લાન તૈયાર કરવામાં આવ્યો છે. આ યોજનાનો મુખ્ય હેતુ શહેરના દરેક છેવાડાના ઘર સુધી કચરો એકત્ર કરતી ગાડી પહોંચાડવાનો છે, જેથી કોઈ પણ નાગરિકને કચરાના નિકાલમાં મુશ્કેલી ન પડે.