ବନ୍ଦରେ ବି ବଞ୍ଚିଲା ମାନବିକତା; ପୁଲିସ ଯୋଗାଇଲା ଗାଡ଼ି, ଏମ୍ସ ଗଲେ ହୃଦରୋଗୀ ମହିଳା

ଇଣ୍ଡିଆ ମେଣ୍ଟ ଚାରି ଦଫା ଦାବି ନେଇ ସାରା ରାଜ୍ୟରେ ବନ୍ଦ ଡ଼ାକରା ଦେଇଛି । ଅନେକ ସ୍ଥାନମାନଙ୍କରେ ଇଣ୍ଡିଆ ମେଣ୍ଟର କର୍ମୀମାନେ ରାସ୍ତାକୁ ଅବରୋଧ କରି ବନ୍ଦ ପାଳନ କରୁଛନ୍ତି । ଫଳରେ ଅନେକ ଯାତ୍ରୀ ଅସୁବିଧାର ସମ୍ମୁଖୀନ ହେଉଛନ୍ତି । ଏହା ମଧ୍ୟରେ ଭୁବନେଶ୍ୱର ମାଷ୍ଟରକାଣ୍ଟିନରେ ଫସି ରହିଥିବା ହୃତରୋଗୀ ମହିଳାଙ୍କୁ ପୁଲିସ ଗାଡ଼ି ଯୋଗାଇଛି । ଫଳରେ ମହିଳା ଜଣକ ବନ୍ଦ ଥିଲେ ମଧ୍ୟ ସୁରୁଖୁରୁରେ ଏମ୍ସ ପହଞ୍ଚିପାରିଛନ୍ତି ।
କନ୍ଧମାଳ ଶ୍ରୀରାମପୁରର ସୁଶିଲ ଉଠାନ ସିଂଙ୍କ ସ୍ତ୍ରୀ ଜୟନ୍ତୀ ଉଠାନ ସିଂ ହୃତରୋଗରେ ପୀଡ଼ିତ ଥିବାରୁ ଆଜି ଅପରେସନ୍ ପାଇଁ ଏମ୍ସ ଆସିଥିଲେ । ସକାଳୁ ଟ୍ରେନରେ ଭୁବନେଶ୍ୱରରେ ପହଞ୍ଚିବା ପରେ ଏମ୍ସ ଯିବା ପାଇଁ ସେମାନେ ବସ, ଅଟୋ ପାଇନଥିଲେ । ଫଳରେ ସେଠାରେ ପ୍ରାୟ ଦୁଇ ଘଣ୍ଟା ଧରି ସେମାନେ ଛିଡ଼ା ହୋଇଥିଲେ । ଦୀର୍ଘ ସମୟ ସେମାନେ ଛିଡ଼ା ହୋଇଥିବାର ଦେଖି ଜୋନ୍ ୧ ଏସପି ରମେଶ ବିଶୋଇ ତାଙ୍କ ସହିତ କଥା ହେଇଥିଲେ । କଥା ହେବା ପରେ ସେମାନେ ହସ୍ପିଟାଲ ଯିବା କଥା ଜାଣିବା ପରେ ସଙ୍ଗେ ସଙ୍ଗେ ଏକ ଅଟୋ କରି ସେମାନଙ୍କୁ ଏମ୍ସ ପଠାଇଥିଲେ ।
ଏମ୍ସ ପହଞ୍ଚିବା ପରେ ଉଭୟ ପୁଲିସଙ୍କୁ ଧନ୍ୟବାଦ ଜଣାଇଛନ୍ତି ।