સુરત નવી સિવિલ હોસ્પિટલમાં મહારાષ્ટ્રના ખેડૂતનું વિનામૂલ્યે હિપ રિપ્લેસમેન્ટ સફળ

સુરતની નવી સિવિલ હોસ્પિટલ ફરી એકવાર ગરીબ અને જરૂરિયાતમંદ દર્દીઓ માટે સંજીવની સમાન સાબિત થઈ છે. મહારાષ્ટ્રના એક સામાન્ય ખેડૂતને થાપાનો ગોળો સુકાઈ જવાની ગંભીર બીમારીમાંથી મુક્તિ અપાવવામાં સિવિલ હોસ્પિટલના ઓર્થોપેડિક વિભાગને મોટી સફળતા મળી છે.

જમણા થાપાનો ગોળો 60થી 70 ટકા સુધી ઘસાઈ જતાં અસહ્ય દુખાવાથી પીડાતા આ ખેડૂતનું હિપ રિપ્લેસમેન્ટનું અત્યંત જટિલ ઓપરેશન તબીબોએ વિનામૂલ્યે સફળતાપૂર્વક પાર પાડ્યું છે. આ સફળતા દર્શાવે છે કે સિવિલ હોસ્પિટલ ગુણવત્તાયુક્ત આરોગ્ય સેવાઓ પૂરી પાડવા માટે પ્રતિબદ્ધ છે.

હોસ્પિટલ દ્વારા ગરીબ અને જરૂરિયાતમંદ દર્દીઓને આર્થિક બોજ વિના શ્રેષ્ઠ સારવાર પૂરી પાડવાનો પ્રયાસ કરવામાં આવે છે. આ કિસ્સો તેની સાક્ષી પૂરે છે, જ્યાં એક ખેડૂતના જીવનમાં નવી આશાનો સંચાર થયો છે.