ఆదిలాబాద్: ప్రమాదాల నివారణకు చర్యలు చేపట్టాలనీ వినతి

ఆదిలాబాద్ ఎస్పీ అఖిల్ మహాజన్ను ఎస్సీ, ఎస్టీ మానిటరింగ్ కమిటీ సభ్యులు, ఆయా గ్రామాల ప్రజలు బుధవారం మర్యాదపూర్వకంగా కలిశారు. ఆదిలాబాద్ నుంచి కిన్వట్ వరకు ఉన్న అంతర్రాష్ట్ర రహదారిపై ప్రమాదాల నివారణకు చర్యలు తీసుకోవాలని కోరారు. రోడ్డు భద్రత చర్యలు చేపట్టి, పెద్ద వాహనాల రాకపోకలపై నియంత్రణ విధించాలని విన్నవించారు. ఎస్పీ సానుకూలంగా స్పందించినట్లు నాయకులు తెలిపారు.