સુરતમાં નવરાત્રી દરમિયાન કાયદો-વ્યવસ્થા માટે પોલીસ એક્શન મોડમાં, શહેરભરમાં ચેકિંગ શરૂ

સુરતમાં નવરાત્રીના તહેવાર દરમિયાન કાયદો અને વ્યવસ્થાની પરિસ્થિતિ જળવાઈ રહે તે માટે પોલીસ તંત્ર સંપૂર્ણપણે એક્શન મોડમાં આવી ગયું છે. તહેવારો ટાણે જાહેર રસ્તાઓ પર કોઈ અણબનાવ ન બને અને સામાન્ય નાગરિકો શાંતિપૂર્ણ રીતે અવરજવર કરી શકે તે હેતુથી સુરત પોલીસ કમિશનરની સૂચના મુજબ શહેરભરમાં ચેકિંગ શરૂ કરવામાં આવ્યું છે.

રાત્રિના સમયે તમામ મુખ્ય ચાર રસ્તાઓ, એન્ટ્રી પોઇન્ટ્સ અને સંવેદનશીલ વિસ્તારોમાં પોલીસ કાફલો તૈનાત કરીને વાહનોની આકરી તપાસ કરવામાં આવી રહી છે. આ પગલાંથી શહેરમાં સ્થિતિ સ્થિર રાખવામાં મદદ મળશે.

પોલીસ તંત્રે નાગરિકોને પણ સહકાર આપવા અને કાયદો-વ્યવસ્થા માટે સહયોગ કરવાની અપીલ કરી છે. તહેવારો દરમિયાન કોઈપણ પ્રકારની અશાંતિ અથવા અણબનાવ ન બને તે માટે પોલીસ દ્વારા સતત નજર રાખવામાં આવી રહી છે.