મોબાઈલના દુષણ સામે જાગૃતિ: બાળકોને મહાનુભાવોના જીવનચરિત્રો ભેટ અપાયા

આ અભિયાનમાં સહયોગ આપી રહેલા મિત્રોના બાળકો માટે પણ પુસ્તકોની વ્યવસ્થા કરવામાં આવી રહી છે. શ્રી ભરતભાઈ શાહે જણાવ્યું કે, બાળકો દેશનું ભવિષ્ય છે અને તેમને ભારતના મહાનુભાવો, વીર રાજા-રાજવીઓ, યોદ્ધાઓ, વીરાંગનાઓ, ઋષિમુનિઓ, સંત-મહંતો, ક્રાંતિકારીઓ, સમાજસુધારકો, સાહિત્યકારો, વૈજ્ઞાનિકો, ખેલાડીઓ જેવા અનેક રાષ્ટ્રીય ઘડવૈયાઓના જીવનચરિત્રોથી પરિચિત કરાવવા જરૂરી છે. તેમણે સૌને આવા પ્રેરણાદાયી પુસ્તકો ભેટ આપી બાળકોના ઉજ્જવળ ભવિષ્યના નિર્માણમાં યોગદાન આપવા નમ્ર અપીલ કરી છે.