હિંમતનગર સિવિલ હોસ્પિટલ નજીક લાવારિસ હાલતમાં નવજાત બાળકી મળી, શ્વાનોએ કર્યું હતું નુકસાન

સાબરકાંઠા જિલ્લાના હિંમતનગર શહેરમાં એક હૃદયદ્રાવક ઘટના સામે આવી છે. હિંમતનગર સિવિલ હોસ્પિટલ નજીક તાજી જન્મેલી એક નવજાત બાળકી લાવારિસ હાલતમાં મળી આવી હતી. આ ઘટનાએ સૌ કોઈને ચોંકાવી દીધા છે અને માનવતાને શર્મસાર કરી છે.

પ્રાથમિક માહિતી અનુસાર, બાળકીના શરીરને રઝળતા શ્વાનો દ્વારા નુકસાન પહોંચાડવામાં આવ્યું હતું. આ દ્રશ્ય ખૂબ જ કરુણ હતું. ઘટનાની જાણ થતાં જ સ્થાનિક લોકો અને પોલીસ ઘટના સ્થળે દોડી આવ્યા હતા.

આ સમગ્ર મામલે પોલીસે તાત્કાલિક ધોરણે તપાસ હાથ ધરી છે. પોલીસે અજાણી માતાની શોધખોળ શરૂ કરી છે અને બાળકીને આ હાલતમાં કોણે છોડી દીધી તે અંગે તપાસ કરવામાં આવી રહી છે. આ ઘટનાના પગલે સમગ્ર શહેરમાં ચકચાર મચી જવા પામી છે.