અમદાવાદના નારોલમાં રાજસ્થાનથી લવાયેલો વિદેશી દારૂ ભરેલી લક્ઝરી બસ ઝડપાઈ

અમદાવાદ શહેરના નારોલ વિસ્તારમાં પોલીસે મોટી કાર્યવાહી કરી છે. બાતમીના આધારે નારોલ પોલીસે ભગવતી પાર્કિંગ પાસે વોચ ગોઠવી હતી, જ્યાં રાજસ્થાનથી આવતી એક લક્ઝરી બસને રોકીને તપાસ કરતાં તેમાંથી મોટી માત્રામાં વિદેશી દારૂ મળી આવ્યો હતો.

પોલીસે બસની ડીકીમાંથી કુલ ૧,૧૫૨ બોટલ વિદેશી દારૂનો જથ્થો જપ્ત કર્યો છે. આ દારૂ રાજસ્થાનથી અમદાવાદ લાવવામાં આવી રહ્યો હતો. પોલીસે દારૂ ભરેલી બસ અને દારૂનો જથ્થો કબજે કરી આગળની કાર્યવાહી હાથ ધરી છે.

આ રેડ દરમિયાન પોલીસ દ્વારા દારૂ કોણ મંગાવી રહ્યું હતું અને કોને પહોંચાડવાનું હતું તે અંગેની તપાસ શરૂ કરવામાં આવી છે. પોલીસે આ મામલે ગુનો નોંધી વધુ તપાસ હાથ ધરી છે.