Politics
સવર્ણ જ્ઞાતિઓ પર શંકરસિંહ વાઘેલાના નિવેદન બાદ સુરતના યુવા કાર્યકર્તા સાથે ફોન પર તીખી ચર્ચા
પૂર્વ મુખ્યમંત્રી શંકરસિંહ વાઘેલાના સવર્ણ જ્ઞાતિઓ અંગેના વિવાદાસ્પદ નિવેદન બાદ સુરતના એક યુવા ભાજપ કાર્યકર્તાએ તેમને ફોન કરી આકરા સવાલો પૂછ્યા હતા, જેનો વીડિયો વાયરલ થયો છે.
પૂર્વ મુખ્યમંત્રી શંકરસિંહ વાઘેલા દ્વારા સવર્ણ જ્ઞાતિઓ વિશે કરવામાં આવેલા એક વિવાદાસ્પદ નિવેદનને પગલે ભારે હોબાળો મચી ગયો છે. આ વિવાદ વચ્ચે સુરતના એક ભાજપના યુવા કાર્યકર્તા અભી ઠાકરેએ શંકરસિંહ વાઘેલાને સીધો ફોન કરીને તેમની જ્ઞાતિ વિષયક ટિપ્પણીઓ અંગે આકરા સવાલો પૂછ્યા હતા. આ બંને વચ્ચે થયેલી ટેલિફોનિક વાતચીતનો વીડિયો હાલ સોશિયલ મીડિયામાં ખૂબ વાયરલ થઈ રહ્યો છે.
ટેલિફોનિક વાતચીત દરમિયાન, અભી ઠાકરેએ શંકરસિંહ વાઘેલાને પૂછ્યું કે, 'શું અમે બ્રાહ્મણના દીકરા છીએ એટલે અમારી ભૂલ છે?' તેના જવાબમાં વાઘેલાએ જણાવ્યું હતું કે, તેમનો ઉલ્લેખ દલિતોની જૂની હાલતનો રેફરન્સ હતો. પરંતુ અભી ઠાકરેએ સ્પષ્ટ કર્યું કે, રેફરન્સ આપતી વખતે બ્રાહ્મણ, વાણિયા અને પટેલ જેવી જ્ઞાતિઓનો ઉલ્લેખ કરવાની જરૂર ન હતી. તેમણે જાહેર મંચ પરથી માફી માંગવાની પણ માંગ કરી હતી.
અભી ઠાકરેએ વધુમાં જણાવ્યું હતું કે, વર્તમાન સમયમાં જ્ઞાતિવાદને પ્રોત્સાહન આપવાનો કોઈ અર્થ નથી અને શંકરસિંહ વાઘેલાએ આ મુદ્દે તાત્કાલિક ખુલાસો કરવો જોઈએ. આ સમગ્ર ઘટનાક્રમ બાદ રાજકીય વર્તુળોમાં ચર્ચાનો વિષય બન્યો છે.
આ સમગ્ર મામલે વધુ સ્પષ્ટતા મેળવવા માટે ભાસ્કરે શંકરસિંહ વાઘેલાનો સંપર્ક કરવાનો પ્રયાસ કર્યો હતો, પરંતુ તેઓ સતત વ્યસ્ત હોવાથી સંપર્ક થઈ શક્યો ન હતો. જોકે, શંકરસિંહ વાઘેલા સાથે કામ કરતા એક વ્યક્તિએ જણાવ્યું હતું કે, તેઓ સામાન્ય રીતે દરેક વ્યક્તિ સાથે ફોન પર વાત કરતા હોય છે, તેથી કદાચ તેમણે આ કાર્યકર્તા સાથે પણ વાત કરી હોય.
ટેલિફોનિક વાતચીત દરમિયાન, અભી ઠાકરેએ શંકરસિંહ વાઘેલાને પૂછ્યું કે, 'શું અમે બ્રાહ્મણના દીકરા છીએ એટલે અમારી ભૂલ છે?' તેના જવાબમાં વાઘેલાએ જણાવ્યું હતું કે, તેમનો ઉલ્લેખ દલિતોની જૂની હાલતનો રેફરન્સ હતો. પરંતુ અભી ઠાકરેએ સ્પષ્ટ કર્યું કે, રેફરન્સ આપતી વખતે બ્રાહ્મણ, વાણિયા અને પટેલ જેવી જ્ઞાતિઓનો ઉલ્લેખ કરવાની જરૂર ન હતી. તેમણે જાહેર મંચ પરથી માફી માંગવાની પણ માંગ કરી હતી.
અભી ઠાકરેએ વધુમાં જણાવ્યું હતું કે, વર્તમાન સમયમાં જ્ઞાતિવાદને પ્રોત્સાહન આપવાનો કોઈ અર્થ નથી અને શંકરસિંહ વાઘેલાએ આ મુદ્દે તાત્કાલિક ખુલાસો કરવો જોઈએ. આ સમગ્ર ઘટનાક્રમ બાદ રાજકીય વર્તુળોમાં ચર્ચાનો વિષય બન્યો છે.
આ સમગ્ર મામલે વધુ સ્પષ્ટતા મેળવવા માટે ભાસ્કરે શંકરસિંહ વાઘેલાનો સંપર્ક કરવાનો પ્રયાસ કર્યો હતો, પરંતુ તેઓ સતત વ્યસ્ત હોવાથી સંપર્ક થઈ શક્યો ન હતો. જોકે, શંકરસિંહ વાઘેલા સાથે કામ કરતા એક વ્યક્તિએ જણાવ્યું હતું કે, તેઓ સામાન્ય રીતે દરેક વ્યક્તિ સાથે ફોન પર વાત કરતા હોય છે, તેથી કદાચ તેમણે આ કાર્યકર્તા સાથે પણ વાત કરી હોય.