સાંસદ પ્રભુભાઈ વસાવાએ જુનવાણ-૧ આંગણવાડી કેન્દ્રની મુલાકાત લઈ કાર્યકરોનું સન્માન કર્યું

માંડવી તાલુકાના જુનવાણ-૧ ખાતે આવેલ આંગણવાડી કેન્દ્રની મુલાકાત સાંસદ પ્રભુભાઈ વસાવાએ લીધી હતી. આ મુલાકાત દરમિયાન તેમણે આંગણવાડીના કાર્યકરો અને તેડાગર બહેનોના કાર્યની પ્રશંસા કરી હતી.

સાંસદ વસાવાએ આંગણવાડીના કાર્યકરો અને તેડાગર બહેનોને તેમના ઉત્કૃષ્ટ કાર્ય બદલ પ્રમાણપત્ર અને શાલ ઓઢાડીને સન્માનિત કર્યા હતા. આ કાર્યક્રમમાં સ્થાનિક આગેવાનો અને ગ્રામજનો ઉપસ્થિત રહ્યા હતા.

આ પ્રસંગે સાંસદે આંગણવાડી દ્વારા બાળકોના આરોગ્ય અને શિક્ષણ ક્ષેત્રે અપાતી સેવાઓની નોંધ લીધી હતી અને ભવિષ્યમાં પણ આવા જ ઉત્સાહ સાથે કાર્યરત રહેવા પ્રોત્સાહન આપ્યું હતું.