નોઈડા સેક્ટર ૯૪: ૪૩મા માળેથી યુવકે ઝંપલાવી મોતને વહાલું કર્યું

નોઈડાના સેક્ટર ૯૪માં આવેલી એક ઊંચી રહેણાંક બિલ્ડિંગના ૪૩મા માળેથી એક યુવકે શુક્રવારે સવારે આત્મહત્યા કરી લીધી. આ ઘટનાથી સમગ્ર વિસ્તારમાં ચકચાર મચી ગઈ છે.

પ્રાથમિક માહિતી અનુસાર, મૃતક યુવક બિલ્ડિંગના ૪૩મા માળે રહેતો હતો. સવારે જ્યારે તેણે બિલ્ડિંગ પરથી છલાંગ લગાવી ત્યારે અનેક લોકોએ જોયું. ઘટનાની જાણ થતાં સ્થાનિક પોલીસ તાત્કાલિક ઘટનાસ્થળે પહોંચી ગઈ હતી.

પોલીસે મૃતદેહનો કબજો લઈ પોસ્ટમોર્ટમ માટે મોકલી આપ્યો છે. પોલીસે આસપાસના લોકોની પૂછપરછ શરૂ કરી છે અને આત્મહત્યા પાછળનું કારણ જાણવાનો પ્રયાસ કરી રહી છે. હાલમાં આ મામલે વધુ તપાસ ચાલી રહી છે.