મહેસાણા નજીક હાઈવે પર વૃક્ષ પડતાં ટ્રાફિક જામ, પોલીસે તાત્કાલિક દૂર કર્યું..

મહેસાણામાં-:
અમદાવાદ-મહેસાણા હાઈવે પર નિરમા ફેક્ટરી નજીક એક મોટું વૃક્ષ ધરાશાયી થવાની ઘટના બની હતી.આ વૃક્ષ પડવાને કારણે હાઈવે પર વાહનોની લાંબી કતારો લાગી ગઈ હતી અને ટ્રાફિક જામની સ્થિતિ સર્જાઈ હતી.ઘટનાની જાણ થતાં જ મહેસાણા હાઈવે ટ્રાફિક શાખા તાત્કાલિક ઘટનાસ્થળે પહોંચી હતી. પેટ્રોલિંગ વાન દ્વારા પરિસ્થિતિનો તાગ મેળવી, તાત્કાલિક ધોરણે ટ્રાફિકને ડાયવર્ટ કરવાની વ્યવસ્થા ગોઠવવામાં આવી હતી.આ દરમિયાન વૃક્ષને હટાવવા માટે જરૂરી સાધનો સાથેની ટીમ પણ બોલાવવામાં આવી હતી..

રાત્રિના લગભગ ૩ વાગ્યાની આસપાસ હાઈવે ટ્રાફિક શાખાના કર્મચારીઓએ ભારે જહેમત બાદ વૃક્ષને સફળતાપૂર્વક હટાવી દીધું હતું.વૃક્ષ હટાવવાની સાથે જ હાઈવે પર થયેલો ટ્રાફિક જામ પણ તાત્કાલિક ધોરણે દૂર કરવામાં આવ્યો હતો.જેનાથી વાહનચાલકોને મોટી રાહત મળી હતી.