🔥 TRENDING : गंगा-जमुना सिमेंट रोड व आतील परिसर,... சற்று முன் காரைக்குடி தேசிய நெடுஞ்சாலை... "रुपी सुंदर सावळा गे माये... महावारी क... மீனவர்களின் வாழ்வுரிமைக்கான கோரிக்கை ஆ... ಅಂದು ಮೋದಿಜಿ ಅವರ ಸರಳತೆ ಮತ್ತು ತ್ಯಾಗದ ಆದರ... DGP Nalin Prabhat Reviews Security Ope...
21 Nov 2026•
ગુજરાતી मराठी ਪੰਜਾਬੀ বাংলা
સુરતમાંથી ઉત્તર પ્રદેશના હત્યાના પ્રયાસના આરોપીની ધરપકડ
Crime

સુરતમાંથી ઉત્તર પ્રદેશના હત્યાના પ્રયાસના આરોપીની ધરપકડ

✍️ Reporter: Maheta Dhavalkumar Jitendrabhai 🗓 03 Oct 2026, 03:44 PM 👁 551
Watch on: ▶️ YouTube
Share: 💬 WhatsApp 📘 Facebook 𝕏 Post

ઉત્તર પ્રદેશમાં ગંભીર ગુનો આચરી છેલ્લા ૪ મહિનાથી પોલીસને ચકમો આપી રહેલો ૧૮ વર્ષીય આરોપી સુરતમાંથી ઝડપાયો છે. લીંબાયત પોલીસે બાતમીના આધારે તેને મીઠીખાડી વિસ્તારમાંથી દબોચી લીધો.

સુરત: ઉત્તર પ્રદેશમાં હત્યાના પ્રયાસ જેવા ગંભીર ગુનામાં વોન્ટેડ એક ૧૮ વર્ષીય આરોપી છેલ્લા ૪ મહિનાથી પોલીસને થાપ આપી રહ્યો હતો, જેને સુરત શહેરના લીંબાયત પોલીસે ઝડપી પાડ્યો છે. આ આરોપી ઉત્તર પ્રદેશના ચૌરી પોલીસ સ્ટેશન વિસ્તારમાં જીવલેણ હુમલો કરી હત્યાની કોશિશ કર્યા બાદ પોલીસથી બચવા સુરત આવીને છુપાઈ ગયો હતો.

પોલીસના જણાવ્યા અનુસાર, ગુનાહિત માનસિકતા ધરાવતો આ યુવાન પોતાની ઓળખ છુપાવીને સુરતમાં મજૂરી કામ કરતો હતો અને પોલીસથી બચવા સતત પોતાનું રહેઠાણ બદલી સામાન્ય નાગરિકની જેમ જીવન જીવી રહ્યો હતો. અન્ય રાજ્યોના વોન્ટેડ આરોપીઓને પકડવાની ચાલી રહેલી ઝુંબેશ અંતર્ગત લીંબાયત પોલીસને બાતમી મળી હતી કે, યુપીનો એક વોન્ટેડ ગુનેગાર લીંબાયત વિસ્તારમાં આશરો લઈ રહ્યો છે.

આ બાતમીના આધારે પોલીસે તપાસનો ધમધમાટ શરૂ કર્યો હતો. સતત બે દિવસ સુધી આરોપીની હિલચાલ પર વોચ રાખી પોલીસે તેનો પીછો કર્યો અને આખરે તેને મીઠીખાડી-બંગાળી ચોક પાસેથી કોર્ડન કરી ઝડપી લેવામાં સફળતા મેળવી. પોલીસ ચોપડે નોંધાયેલી વિગતો અનુસાર, પકડાયેલા આરોપીનું નામ સદરે આલમ ઉર્ફે સબે આલમ છે અને તે મૂળ ઉત્તર પ્રદેશનો વતની છે. તે હાલ લીંબાયતના મીઠીખાડી ખાતે બનારસી ચોક, ગલી નંબર ૧૦માં રહેતો હતો.
📲Get App