માંગરોળ: દેશસેવા કરી નિવૃત્ત થયેલા માજી સૈનિક હિતેશભાઈ વાળાનું ભવ્ય સ્વાગત અને સન્માન

માંગરોળ: ભારતીય સેનામાં દેશની સેવા અને સુરક્ષાની પવિત્ર ફરજ બજાવી નિવૃત્ત થયેલા માજી સૈનિક શ્રી હિતેશભાઈ રામશીભાઈ વાળાનું ભવ્ય રેલી દ્વારા સ્વાગત કરવામાં આવ્યું. આ પ્રસંગે તેમનું સન્માન કરી દેશસેવા બદલ અભિવાદન પાઠવવામાં આવ્યું.

આ ભવ્ય સ્વાગત અને સન્માન કાર્યક્રમમાં માંગરોળ માળિયાના ધારાસભ્ય શ્રી ભગવાનજી ભાઈ કરગઠીયા, શ્રી જેઠાભાઈ મંત્રી તેમજ અનેક આગેવાનો અને યુવાનો જોડાયા હતા. સૌએ મળીને માતૃભૂમિની રક્ષા માટે આપેલા અમૂલ્ય યોગદાન અને સમર્પણ બદલ હિતેશભાઈ વાળાને હૃદયપૂર્વક વંદન કર્યા.

આ કાર્યક્રમ દ્વારા દેશના વીર જવાનો પ્રત્યે સમાજમાં સન્માન અને કૃતજ્ઞતાની ભાવના વ્યક્ત કરવામાં આવ્યો. નિવૃત્ત સૈનિકોના બલિદાન અને દેશ પ્રત્યેની નિષ્ઠાને બિરદાવવાનો આ એક પ્રશંસનીય પ્રયાસ હતો.