🔥 TRENDING सिटी कोतवाली पुलिस ने सार्वजनिक स्थानो... बिलासपुर में युवक की आग लगने वाली मौत... Model Code of Conduct Anticipated Afte... Congress MLA Dhami Stirs Controversy a... Selja Calls Sonia Gandhi’s New Book ‘I... Multi-Lane Free-Flow Tolling Planned f...
23 Nov 2026•
ગુજરાતી मराठी ਪੰਜਾਬੀ বাংলা
બાવળા-સાણંદના ખેડૂતો વીજ ટ્રાન્સમિશન લાઇન માટે યોગ્ય વળતરની માંગ સાથે મેદાનમાં
Local

બાવળા-સાણંદના ખેડૂતો વીજ ટ્રાન્સમિશન લાઇન માટે યોગ્ય વળતરની માંગ સાથે મેદાનમાં

✍️ Reporter: Mukeshkumar Manjibhai Makwana 🗓 03 Oct 2026, 10:10 AM 👁 96
Watch on: ▶️ YouTube
Share: 💬 WhatsApp 📘 Facebook 𝕏 Post

બાવળા અને સાણંદ તાલુકાના વીજ ટ્રાન્સમિશન લાઇન અને ટાવરથી અસરગ્રસ્ત ખેડૂતોએ યોગ્ય વળતરની માંગ સાથે ઉગ્ર રજૂઆત કરી છે. ખેડૂતોનો આરોપ છે કે ૨૦૨૨ થી આ મુદ્દે લડત ચલાવી રહ્યા છે તેમ છતાં તેમને અન્યાય થઈ રહ્યો છે.

બાવળા અને સાણંદ તાલુકાના અનેક ખેડૂતો વીજ ટ્રાન્સમિશન લાઇન અને તેના ટાવરના નિર્માણથી પોતાની જમીન ગુમાવી રહ્યા છે. આ અસરગ્રસ્ત ખેડૂતોએ સરકાર પાસે યોગ્ય વળતરની માંગ કરી છે. તેમની મુખ્ય માંગણીઓમાં વીજ ટાવર માટે ૪૦૦% વળતર અને વીજતારના કોરીડોર માટે ૩૦૦% વળતરની સમાવેશ થાય છે.

ખેડૂતોએ જણાવ્યું હતું કે, ૨૦૨૨ થી તેઓ આ મુદ્દે ન્યાય મેળવવા માટે સતત લડત ચલાવી રહ્યા છે. તેમ છતાં, તેમની સમસ્યાઓ પ્રત્યે કોઈ ધ્યાન આપવામાં આવ્યું નથી અને તેમને અન્યાય થઈ રહ્યો હોવાનો ગંભીર આક્ષેપ તેમણે કર્યો છે. આ મુદ્દે તેમની રજૂઆત ખૂબ જ ઉગ્ર સ્વરૂપે કરવામાં આવી હતી. અને બાવળા મામલતદાર ને આવેદન પત્ર આપવામાં આવ્યું હતું.

આ ખેડૂતોની માંગણીઓ અને આક્ષેપોને પગલે સ્થાનિક વહીવટીતંત્ર અને વીજ કંપનીઓ પર દબાણ વધ્યું છે. યોગ્ય વળતર ન મળવાને કારણે ખેડૂતોમાં ભારે રોષ જોવા મળી રહ્યો છે અને તેઓ પોતાની લડત ચાલુ રાખવાની ચીમકી ઉચ્ચારી રહ્યા છે.
📲Get App