અમદાવાદ: સરખેજમાં ડમ્પરની ટક્કરથી રાહદારીનું મોત, ચાલક ફરાર

અમદાવાદના સરખેજ વિસ્તારમાં અંબર ટાવર પાસે ગમખ્વાર અકસ્માત સર્જાયો છે. એક પુર ઝડપે આવી રહેલા ડમ્પરની અડફેટે એક રાહદારી આવી જતાં તેનું ઘટનાસ્થળે જ કમકમાટીભર્યું મોત થયું હતું.

આ અકસ્માત બાદ ડમ્પર ચાલક વાહન મૂકીને ફરાર થઈ ગયો હતો. ઘટનાની જાણ થતાં સ્થાનિક પોલીસ તાત્કાલિક ઘટનાસ્થળે દોડી આવી હતી.

પોલીસે મૃતદેહને પોસ્ટમોર્ટમ માટે ખસેડ્યો છે અને ફરાર થયેલા ડમ્પર ચાલકને ઝડપી પાડવા માટે શોધખોળ શરૂ કરી છે. પોલીસે આ સમગ્ર મામલે વધુ તપાસ હાથ ધરી છે.