બગસરા તાલુકા પંચાયત પ્રમુખે વિકાસકાર્યોનું કર્યું નિરીક્ષણ

બગસરા તાલુકાના વિવિધ ગામોમાં ચાલી રહેલા વિકાસકાર્યોની તાલુકા પંચાયત પ્રમુખ રમેશભાઈ સંતાસિયા દ્વારા ઔચીતી મુલાકાત લઈ ચકાસણી કરવામાં આવી હતી. આ દરમિયાન, તેમની સાથે સામાજિક ન્યાય સમિતિના સદસ્ય જીવનભાઈ મયાત્રા તથા અધિક મદદનીશ ઈજનેર પણ ઉપસ્થિત રહ્યા હતા.

પ્રમુખ સંતાસિયાએ જૂના વાઘેલીયા ગામે ચાલી રહેલા કૉઝવેના કામની મુલાકાત લીધી હતી અને જરૂરી સૂચનાઓ આપી હતી. ત્યારબાદ, હડાળા ગામે સીસી રોડની કામગીરીનું સરપ્રાઈઝ ચેકિંગ કરીને સંબંધિત અધિકારીઓને માર્ગદર્શન પૂરું પાડ્યું હતું.

આ બંને કામોમાં ગુણવત્તા જળવાઈ રહે અને કોઈપણ પ્રકારની ગેરરીતિ ન થાય તે સુનિશ્ચિત કરવા માટે સંબંધિતોને કડક સૂચનાઓ આપવામાં આવી હતી. વિકાસકાર્યોની ગુણવત્તા અને પારદર્શિતા જાળવવા પર ભાર મૂકવામાં આવ્યો હતો.