સાબરકાંઠા: પોશીનાના લાંબડીયામાં સસ્તા અનાજની દુકાનમાં ભેળસેળ, ગ્રામજનોમાં રોષ..

સાબરકાંઠાના-:
પોશીના તાલુકાના લાંબડીયા ગામ ખાતે આવેલી સસ્તા અનાજની દુકાનમાં ગંભીર બેદરકારી સામે આવી છે.દુકાન દ્વારા લાભાર્થીઓને બાજરીના નામે અત્યંત નીચી ગુણવત્તાવાળું ભૂસું વિતરિત કરવામાં આવ્યું હતું.આ ઘટનાની જાણ થતાં જ સ્થાનિક ગ્રામજનોમાં ભારે રોષ ફેલાયો હતો.લોકોએ સસ્તા અનાજની દુકાનદારની આ કૃત્ય સામે તાત્કાલિક પગલાં ભરવાની માંગ કરી છે.ગુણવત્તા વગરનું અનાજ વિતરણ થતાં ગરીબ પરિવારોને મુશ્કેલીનો સામનો કરવો પડી રહ્યો છે..

ગ્રામજનોએ આ મામલે ઉચ્ચ અધિકારીઓને જાણ કરી છે અને યોગ્ય તપાસની માંગ કરી છે.જો તાત્કાલિક ધોરણે આ દુકાનદાર સામે કાર્યવાહી નહીં થાય તો ઉગ્ર આંદોલનની ચીમકી પણ ઉચ્ચારવામાં આવી છે.આ ઘટના સરકારી યોજનાઓના અમલીકરણમાં રહેલી ખામીઓને ઉજાગર કરે છે.