મુખ્યમંત્રી શ્રી ભૂપેન્દ્રભાઈ પટેલે આજના ગાંધી જયંતીના અવસરે ગાંધીનગરમાં ખાદી ગ્રામોદ્યોગ હાટમાંથી ખાદીનાં વસ્ત્રોની ખરીદી કરી

મુખ્યમંત્રી શ્રી ભૂપેન્દ્રભાઈ પટેલે આજના ગાંધી જયંતીના અવસરે ગાંધીનગરમાં ખાદી ગ્રામોદ્યોગ હાટમાંથી ખાદીનાં વસ્ત્રોની ખરીદી કરીને માનનીય વડાપ્રધાન શ્રી નરેન્દ્રભાઈ મોદીએ આપેલા 'ખાદી ફોર ફેશન, ખાદી ફોર નેશન'ના મંત્રને અપનાવીને ખાદીના ઉપયોગ અને ખાદી ખરીદીનો વ્યાપ વધારવાની નાગરિકોને પ્રેરણા પૂરી પાડી હતી.

મુખ્યમંત્રીશ્રીએ વિવિધ ખાદી ઉત્પાદનોની ખરીદી કરીને ડિજિટલ ટ્રાન્ઝેક્શનને વેગ આપવાના માનનીય વડાપ્રધાનશ્રીના આહવાન અનુરૂપ ડિજિટલ પેમેન્ટ કર્યું હતું.