સાબરકાંઠા-અરવલ્લીના સાંસદ શોભનાબેન બારૈયાએ શામળાજી મંદિરે ધજા ચડાવી

સાબરકાંઠા અને અરવલ્લી જિલ્લાના લોકપ્રિય સાંસદ સભ્ય શ્રી શોભનાબેન મહેન્દ્રસિંહ બારૈયા દ્વારા આજરોજ શામળાજી ખાતે આવેલા સુપ્રસિદ્ધ શ્રી શામળિયા ભગવાનના મંદિરે વિશેષ પૂજા-અર્ચના કરી ધજા ચડાવવામાં આવી હતી.

આ ધાર્મિક કાર્યક્રમમાં સાંસદ સભ્ય શ્રી શોભનાબેન બારૈયા ઉપસ્થિત રહ્યા હતા અને તેમણે ભગવાન શામળિયાના દર્શન કરી ધન્યતા અનુભવી હતી. આ પ્રસંગે તેમણે ભગવાનને પ્રાર્થના કરી હતી.

શામળાજી મંદિર ગુજરાતના જાણીતા યાત્રાધામોમાંનું એક છે અને દેશભરમાંથી મોટી સંખ્યામાં ભક્તો અહીં દર્શનાર્થે આવે છે. સાંસદ સભ્ય દ્વારા કરવામાં આવેલ આ ધાર્મિક કાર્યક્રમ સ્થાનિક લોકોમાં ચર્ચાનો વિષય બન્યો હતો.