🔥 TRENDING સાબરકાંઠા: લાકડાં ભરેલા ટ્રેક્ટર પર પત... टोकावडे ग्रामीण रुग्णालयात डिसेंबरच्या... ಬಸವಣ್ಣನವರ ತತ್ವಗಳಿಗೆ ಅಪಮಾನ ಮಾಡುವ ಸಂವಿಧಾ... স্থানীয় ব্যক্তির দারুন বার্তা Police officer fan writes to Rajinikan... Cyclone Akvan Approaches Andhra Prades...
20 Nov 2026•
ગુજરાતી मराठी ਪੰਜਾਬੀ বাংলা
ધારીમાં જમીન મામલે ઝઘડો: ‘વાડીએ ગયો તો જીવતો નહીં રહેવા દઈએ’ કહી જાનથી મારી નાખવાની ધમકી
Crime

ધારીમાં જમીન મામલે ઝઘડો: ‘વાડીએ ગયો તો જીવતો નહીં રહેવા દઈએ’ કહી જાનથી મારી નાખવાની ધમકી

✍️ Reporter: Rangpara Shaileshbhai 🗓 01 Oct 2026, 10:54 PM 👁 73
Share: 💬 WhatsApp 📘 Facebook 𝕏 Post

ધારી શહેરમાં જમીન બાબતે થયેલા ઝઘડામાં એક વ્યક્તિને ‘હવે જો વાડીએ ગયો છે તો જીવતો નહીં રહેવા દઈએ’ તેમ કહી જાનથી મારી નાખવાની ધમકી આપવામાં આવી હતી. આ અંગે પોલીસે ગુનો નોંધી વધુ તપાસ હાથ ધરી છે.

ધારી શહેરમાં જમીન બાબતે થયેલા ઝઘડામાં એક વ્યક્તિને જાનથી મારી નાખવાની ધમકી આપવાનો બનાવ સામે આવ્યો છે. આ અંગે 65 વર્ષીય હંસાબા ભીખુભા ગોહીલે રણજીતસિંહ ભીખુભા ગોહીલ, તૃષીબા રણજીતસિંહ ગોહીલ, કિરીટસિંહ ભીખુભા ગોહીલ અને હેતલબા કિરીટસિંહ ગોહીલ વિરુદ્ધ ફરિયાદ નોંધાવી છે.

ફરિયાદમાં જણાવ્યા મુજબ, ફરિયાદી અને તેમના સાઢુ પ્રદ્યુમનસિંહ ભીખુભાઈ ગોહીલ ઘરે હાજર હતા ત્યારે આરોપીઓ ત્યાં આવ્યા હતા. આરોપીઓએ પ્રદ્યુમનસિંહને જમીનમાં કોને પૂછીને જુવાર વાવેલ છે તેમ કહી આડેધડ માર માર્યો હતો.

આરોપીઓએ ગાળો આપી ધમકી આપી હતી કે, ‘હવે જો વાડીએ ગયો છે તો જીવતો નહીં રહેવા દઈએ’. આ ધમકીથી પ્રદ્યુમનસિંહ ભીખુભાઈ ગોહીલ ભયભીત થઈ ગયા હતા.

આ સમગ્ર મામલે ધારી પોલીસ સ્ટેશનના અનઆર્મ્ડ હેડ કોન્સ્ટેબલ ધર્મેન્દ્રભાઈ જે. વાળા વધુ તપાસ કરી રહ્યા છે. પોલીસે ફરિયાદના આધારે ગુનો નોંધી કાયદેસરની કાર્યવાહી હાથ ધરી છે.
📲Get App