સુરત: કોસંબાના વડફળિયા ગામમાં ઘર ખોદીને માનવ કંકાલના અવશેષો મળ્યા, ત્રિપલ મર્ડરની આશંકા

સુરત જિલ્લાના કોસંબા તાલુકાના વડફળિયા ગામમાં આજે સવારે એક ચોંકાવનારી ઘટના બની હતી. આજે સવારે 11 વાગ્યાની આસપાસ પોલીસના કાફલા સાથે ગામની શેરીઓમાં 5 જેટલી પોલીસ વાહનો પસાર થઈને એક ઘર પાસે આવીને ઊભા રહ્યા હતા. ત્રિકમ અને પાવડા જેવા સાધનો સાથે સજ્જ પોલીસકર્મીઓ વાહનોમાંથી ઉતરીને સીધા તે ઘરમાં પ્રવેશ્યા હતા.

આસપાસના રહેવાસીઓએ પોલીસની આ અસામાન્ય ગતિવિધિ જોઈને ઘરની અંદર કંઈક ગંભીર ઘટના બની હોવાની આશંકા વ્યક્ત કરી હતી. પોલીસકર્મીઓએ ઘરની અંદર ખોદકામ શરૂ કર્યું હતું અને તે દરમિયાન તેમને પોટલા ભરીને માનવ કંકાલના અવશેષો મળી આવ્યા હતા. આ સમગ્ર ઘટના વડફળિયા ગામમાં થયેલી ત્રિપલ મર્ડરની ઘટના સાથે જોડાયેલી હોવાનું પ્રાથમિક અનુમાન લગાવવામાં આવી રહ્યું છે.

પોલીસે મળી આવેલા માનવ કંકાલના અવશેષોને કબજે લઈને વધુ તપાસ હાથ ધરી છે. આ અવશેષો કોના છે અને આ ત્રિપલ મર્ડર કેસમાં કોણ સામેલ હોઈ શકે છે તે દિશામાં પોલીસે તપાસનો ધમધમાટ શરૂ કર્યો છે. ગામમાં આ ઘટનાને પગલે ભારે ચકચાર મચી જવા પામી છે.