ખેડા પોલીસ અધિક્ષક દ્વારા નિવૃત્ત પોલીસ કર્મચારીઓને વિદાય શુભેચ્છા..

ખેડા જિલ્લા પોલીસ અધિક્ષક વિજય પટેલ અને પોલીસ પરિવાર દ્વારા પોલીસ દળમાંથી નિવૃત્ત થઈ રહેલા કર્મચારીઓ માટે વિદાય સમારોહનું આયોજન કરવામાં આવ્યું હતું.આ પ્રસંગે અધિક્ષક વિજય પટેલે નિવૃત્ત થતા કર્મચારીઓને તેમના ભાવિ જીવન માટે શુભેચ્છાઓ પાઠવી હતી.તેમણે જણાવ્યું કે નિવૃત્તિ બાદનું જીવન સુખ,શાંતિ,સમૃદ્ધિ અને આનંદથી ભરપૂર રહે તેવી તેઓ કામના કરે છે.સાથે સાથે તેમણે નિવૃત્ત કર્મચારીઓના સારા ભવિષ્ય, સ્વસ્થ અને દીર્ઘ આયુષ્ય માટે પણ હાર્દિક શુભકામનાઓ વ્યક્ત કરી હતી..

આ કાર્યક્રમ પોલીસ વિભાગ દ્વારા પોતાના કર્મચારીઓના યોગદાનને બિરદાવવા અને તેમને સન્માનિત કરવાના ઉદ્દેશ્યથી યોજાયો હતો.નિવૃત્ત કર્મચારીઓએ પોલીસ અધિક્ષક અને સમગ્ર પોલીસ પરિવારનો આભાર માન્યો હતો.