રામોલમાં સગીરાની છેડતી કરતો ડિલિવરી બોય ઝડપાયો

અમદાવાદના રામોલ વિસ્તારમાં છેલ્લા 6 મહિનાથી ગોડાઉનમાં કામ કરતા 21 વર્ષીય ડિલિવરી બોય સમીર શેખ દ્વારા 11માં ધોરણમાં અભ્યાસ કરતી સગીરાની છેડતી કરવાનો કિસ્સો સામે આવ્યો છે. આરોપી છેલ્લા 4-5 દિવસથી સગીરાનો પીછો કરી તેને નંબર આપવા માટે દબાણ કરતો હતો અને અશ્લીલ હરકતો કરતો હતો.

આરોપીની આ પ્રવૃત્તિઓથી કંટાળીને સગીરાના પરિવારે તેને પકડાવવાની યોજના બનાવી. માતા અને બહેને મળીને જાળ બિછાવી, જેના આધારે પોલીસે આરોપી સમીર શેખને રંગેહાથ ઝડપી પાડ્યો.

રામોલ પોલીસે આ મામલે ગુનો નોંધી કાયદેસરની કાર્યવાહી હાથ ધરી છે. પોલીસે આરોપીની ધરપકડ કરી વધુ તપાસ હાથ ધરી છે, જેમાં છેડતીના અન્ય કિસ્સાઓ પણ સામે આવે તેવી શક્યતા છે.