રાજકોટ શહેર પેરોલ ફર્લો સ્કર્વોડ દ્વારા પ્રોહિબીશનના ગુનામાં નાસતો ફરતો આરોપી ઝડપાયો

રાજકોટ શહેર પેરોલ ફર્લો સ્કર્વોડ દ્વારા પ્રોહિબીશનના ગુનામાં નાસતો ફરતો આરોપી નરેંદ્રસિંહ ઘનશ્યામસિંહ જાડેજા (ઉંમર ૨૬ વર્ષ, રહે. મોમાઈનગર, જાડેજાવાસ, તા. સાંતલપુર, જી. પાટણ) ને ઝડપી પાડવામાં આવ્યો છે. આ કાર્યવાહીથી પોલીસ વિભાગમાં ખુશીનો માહોલ છે.

આરોપી નરેંદ્રસિંહ જાડેજા પ્રોહિબીશનના એક ગુનામાં વોન્ટેડ જાહેર થયો હતો અને છેલ્લા ઘણા સમયથી પોલીસને ચકમો આપી ફરાર થઈ રહ્યો હતો. તેની ધરપકડ માટે પોલીસ દ્વારા સઘન તપાસ હાથ ધરવામાં આવી હતી.

પેરોલ ફર્લો સ્કર્વોડની ટીમે બાતમીના આધારે કાર્યવાહી કરી આરોપીને તેના રહેણાંક વિસ્તારમાંથી દબોચી લીધો હતો. આરોપીની ધરપકડ બાદ કાયદેસરની કાર્યવાહી હાથ ધરવામાં આવી છે.