સુરતના સચિન જીઆઈડીસી સ્થિત યાર્નના ગોડાઉનમાં ભીષણ આગ, ફાયર વિભાગે દોઢ કલાકની જહેમત બાદ કાબૂ મેળવ્યો

સુરતના સચિન જીઆઈડીસી વિસ્તારમાં આવેલા એક યાર્નના ગોડાઉનમાં અચાનક આગ ફાટી નીકળતાં દોડધામ મચી ગઈ હતી. આગે જોતજોતામાં વિકરાળ સ્વરૂપ ધારણ કર્યું હતું.

ગોડાઉનના ગ્રાઉન્ડ ફ્લોર પર લાગેલી આગે પહેલા માળને પણ ઝપેટમાં લઈ લીધો હતો. ઘટનાની જાણ થતાં જ સચિન જીઆઈડીસી અને સુરત મહાનગરપાલિકાના ફાયર ફાઈટરો તાત્કાલિક ઘટનાસ્થળે દોડી આવ્યા હતા.

ફાયર વિભાગના જવાનોએ સતત દોઢ કલાક સુધી પાણીનો મારો ચલાવી ભારે જહેમત બાદ આગ પર કાબૂ મેળવ્યો હતો. સદનસીબે આ દુર્ઘટનામાં કોઈ જાનહાનિ નોંધાઈ નથી.