પૂર્વ કચ્છ પોલીસે પ્રોહિબીશનના નાસતા ફરતા આરોપીને ઝડપી પાડ્યો

પૂર્વ કચ્છમાં ગંભીર ગુનાઓમાં નાસતા ફરતા આરોપીઓને ઝડપી પાડવા માટે સ્પેશિયલ ડ્રાઇવનું આયોજન કરવામાં આવ્યું હતું. આ ડ્રાઇવ સરહદી રેન્જ આઇજી ચિરાગ કોરડીયા અને પૂર્વ કચ્છ એસપી સાગર બાગમારના આદેશથી યોજાઈ હતી.

આ ડ્રાઇવના ભાગરૂપે, આદિપુર પોલીસ સ્ટેશનના પીઆઇ એમ.સી.વાળાના નેતૃત્વ હેઠળ પોલીસે કાર્યવાહી કરી હતી. જેમાં, પ્રોહિબીશનના ગુનામાં નાસતો ફરતો આરોપી શક્તિસિંહ ગેમુભા જાડેજા, ઉંમર ૩૯ વર્ષ, રહેવાસી રવેચીનગર, અંતરજાળ, આદિપુર, ને સફળતાપૂર્વક ઝડપી પાડવામાં આવ્યો છે.

ઝડપાયેલા આરોપી શક્તિસિંહ ગેમુભા જાડેજા વિરુદ્ધ કાયદેસરની કાર્યવાહી હાથ ધરવામાં આવી છે. વધુ તપાસ અને કાયદાકીય પ્રક્રિયા માટે તેને અમદાવાદ ગ્રામ્ય પોલીસ મથકમાં સોંપવામાં આવ્યો છે.