ఎంపీ, ఎమ్మెల్యేపై మాజీ మంత్రి జోగు రామన్న విమర్శలు

అక్టోబర్ 12 నుంచి పత్తి కొనుగోళ్లు చేపట్టనున్నట్లు ప్రకటించడాన్ని మాజీ మంత్రి జోగురామన్న స్వాగతించారు. రైతులకు కీలకమైన కొనుగోళ్లపై నిర్వహించిన సమావేశానికి ఆదిలాబాద్ ఎమ్మెల్యే, ఎంపీ హాజరుకాకపోవడంపై ఆయన అసంతృప్తి వ్యక్తం చేశారు. రైతుల పంట కొనుగోలు బాధ్యత ప్రజాప్రతినిధులకు లేదా అని ప్రశ్నించారు. సీసీఐ ద్వారా కొనుగోళ్లు త్వరగా ప్రారంభించేలా చర్యలు తీసుకోవాలని డిమాండ్ చేశారు.