અમરેલી કલેક્ટર વિકલ્પ ભારદ્વાજે લીલીયાના કુતાણા ગામની મુલાકાત લઈ સરકારી દફતરોની ચકાસણી કરી

અમરેલી જિલ્લા કલેક્ટર વિકલ્પ ભારદ્વાજે લીલીયા તાલુકાના કુતાણા ગામની મુલાકાત લીધી હતી. આ મુલાકાત દરમિયાન તેમણે ગ્રામ સચિવાલયની મુલાકાત લઈને વિવિધ સરકારી દફતરોની ઝીણવટપૂર્વક તપાસણી કરી હતી.

કલેક્ટર ભારદ્વાજે ગ્રામ વિકાસ અને ગ્રામજનોની સુખાકારીને લગતા વિવિધ પ્રશ્નો અંગે સંબંધિત અધિકારીઓ અને કર્મચારીઓ સાથે વિસ્તૃત ચર્ચા કરી જરૂરી માહિતી મેળવી હતી. તેમણે સરકારની વિવિધ યોજનાઓનો અસરકારક અમલ થાય અને સામાન્ય જનતાને સરકારી સેવાઓનો સરળતાથી લાભ મળે તે સુનિશ્ચિત કરવા માટે જરૂરી માર્ગદર્શન અને સૂચનાઓ આપી હતી.

આ મુલાકાત પ્રસંગે પ્રાંત અધિકારી જીલ પટેલ, મામલતદાર વાડા, તાલુકા વિકાસ અધિકારી વી.એન. ગોહિલ, ગ્રામ પંચાયતના સરપંચ ગૌતમભાઈ વિછીયા સહિતના અધિકારીઓ અને કર્મચારીઓ ઉપસ્થિત રહ્યા હતા.