જાફરાબાદની ૭ શાળાઓમાં રમતગમતના સાધનોનું વિતરણ: બાળકોમાં રમત પ્રત્યે ઉત્સાહ વધારવાનો પ્રયાસ

જાફરાબાદ: અલ્ટ્રાટેક સિમેન્ટ લિમિટેડ, યુનિટ નર્મદા સિમેન્ટ-જાફરાબાદ વર્ક્સ દ્વારા ગ્રામ્ય વિસ્તારના બાળકોમાં રમતગમત પ્રત્યે ઉત્સાહ વધારવા અને તેમને નિયમિત શાળાએ આવવા પ્રેરિત કરવા માટે એક સરાહનીય પહેલ કરવામાં આવી છે.

આ પહેલ અંતર્ગત, કંપની દ્વારા જાફરાબાદ આસપાસની સાત શાળાઓમાં વિવિધ રમતગમતના સાધનોનું વિતરણ કરવામાં આવ્યું. આ શાળાઓમાં બાબરકોટ, વઢેરા, મિતિયાળા તથા વાપરિયા-મિતિયાળાની કસ્તુરબા ગાંધી બાલિકા વિદ્યાલયનો સમાવેશ થાય છે.

વિતરણ કરાયેલા સાધનોમાં ફૂટબોલ, વોલીબોલ, બાસ્કેટબોલ, હેન્ડબોલ, ક્રિકેટ બેટ-બોલ, બેડમિન્ટન, ચેસ, રીંગ, ગોળા ફેંક અને ભાલા ફેંક જેવા અનેક રમતોના સાધનોનો સમાવેશ થાય છે. આ સામગ્રી બાળકોને વિવિધ રમતો રમવા અને તેમની રમતગમતની કુશળતા વિકસાવવામાં મદદ કરશે.

આ પહેલથી ગ્રામ્ય વિસ્તારના બાળકોમાં રમત-ગમત પ્રત્યે જાગૃતિ આવશે અને શાળામાં તેમની હાજરીમાં પણ વધારો થશે તેવી આશા વ્યક્ત કરવામાં આવી છે. આ પ્રકારના પ્રયાસો બાળકોના સર્વાંગી વિકાસ માટે મહત્વપૂર્ણ છે.