દ્વારકા નજીક સરકારી વાહનની ટક્કર: તૂપણી ગામના આધેડનું ઘટનાસ્થળે મોત

દ્વારકા નજીક ચરકલા-નાગેશ્વર રોડ પર નદી પાસે આજે એક ગમખ્વાર અકસ્માત સર્જાયો હતો. આ અકસ્માતમાં સરકારી વાહનની ટક્કર વાગતા તૂપણી ગામના રહેવાસી આલાભાઈ કેસરભાઈ ચાવડા નામના આધેડનું ઘટનાસ્થળે જ કમકમાટીભર્યું મોત નીપજ્યું હતું.

પ્રાપ્ત માહિતી અનુસાર, ચરકલા-નાગેશ્વર રોડ પર એક સરકારી વાહન પસાર થઈ રહ્યું હતું તે દરમિયાન પુરપાટ ઝડપે આવી રહેલા વાહને આલાભાઈ ચાવડાના એક્ટિવાને જોરદાર ટક્કર મારી હતી. આ ટક્કર એટલી ભયાનક હતી કે આલાભાઈ ચાવડાનું ઘટનાસ્થળે જ મૃત્યુ થયું હતું.

આ દુઃખદ ઘટનાના સમાચાર મળતા જ તૂપણી ગામના લોકો અને મૃતકના પરિવારજનોમાં શોકનું મોજું ફરી વળ્યું છે. મૃતક આત્માની શાંતિ માટે સૌ કોઈ પ્રાર્થના કરી રહ્યા છે.