આમોદ તાલુકાના પુરસા ગામમાં માર્ગ પર મગર દેખાતા લોકોમાં ભય, નેચર ટીમે સુરક્ષિત રીતે રેસ્ક્યુ કર્યું

આમોદ તાલુકાના પુરસા ગામના મુખ્ય માર્ગ પર અચાનક ૭ થી ૮ ફૂટ લાંબો મગર દેખાતા રાહદારીઓ અને સ્થાનિક લોકોમાં ભારે ચકચાર મચી જવા પામી હતી. મગરને જોઈને લોકોમાં ભયનો માહોલ સર્જાયો હતો અને તાત્કાલિક વન વિભાગને જાણ કરવામાં આવી હતી.

માહિતી મળતા જ નેચર ટીમ ફાઉન્ડેશનની ટીમ ઘટના સ્થળે પહોંચી હતી. ટીમે અત્યંત સાવચેતી અને કુશળતાપૂર્વક મગરને કાબુમાં લીધો હતો. ટીમે ૭ થી ૮ ફૂટ લાંબા મગરનું સફળતાપૂર્વક સુરક્ષિત રેસ્ક્યુ કર્યું હતું.

રેસ્ક્યુ બાદ, મગરને સુરક્ષિત સ્થળે ખસેડવામાં આવ્યો હતો. આ ઘટના બાદ સ્થાનિક લોકોએ રાહતનો શ્વાસ લીધો હતો. નેચર ટીમ ફાઉન્ડેશનની કામગીરીને લોકોએ બિરદાવી હતી.