કંડલા કાસેઝમાં પ્રદૂષણ: રહેણાંક વિસ્તારોમાં લોકો પરેશાન

કંડલા કાસેઝ ઝોનમાં આવેલી ‘કેવલ એક્સપોર્ટ' કંપની સામે ભારે પ્રદૂષણ ફેલાવવાના આક્ષેપો ઉઠ્યા છે. સ્થાનિકોના જણાવ્યા મુજબ કંપનીમાંથી નીકળતા દૂષિત વાયુના કારણે આસપાસની રહેણાંક સોસાયટીઓમાં રહેતા વડીલો અને બાળકોને વાસ લેવામાં તકલીફ પડી રહી છે અને આરોગ્ય સામે ચિંતા ઊભી થઈ છે.આ મામલે બહુજન આર્મીના પ્રમુખ અને સ્થાનિક આગેવાન ચેતનભાઈ મહેશ્વરી દ્વારા GPCB સમક્ષ અનેકવાર લેખિત તથા મૌખિક રજૂઆતો કરવામાં આવી હોવાનું જણાવાયું છે. સ્થાનિકો દ્વારા પ્રદૂષણની તપાસ કરી જરૂરી કાર્યવાહી કરવાની માંગ ઉઠી રહી છે.