ઇન્દિરા બ્રિજ પાસે પાનના ગલ્લા સંચાલકનો પોલીસ પર ધમકાવવાનો ગંભીર આરોપ

અમદાવાદના ઇન્દિરા બ્રિજ પાસે આવેલા એક પાનના પાર્લરના સંચાલકે પોલીસકર્મીઓ દ્વારા ધમકાવવાનો ગંભીર આરોપ લગાવ્યો છે. સંચાલકનો દાવો છે કે લગભગ ૧૫ દિવસ પહેલા રાત્રે ૧૧:૩૦ વાગ્યે કેટલાક પોલીસકર્મીઓ તેમની દુકાન બંધ કરાવવા આવ્યા હતા અને આ દરમિયાન તેમની સાથે બોલાચાલી થઈ હતી.

આ ઘટના બાદ પાનના પાર્લરના સંચાલકે સમગ્ર મામલે પોલીસ કમિશનર અને પોલીસ મહાનિર્દેશક (DGP)ને લેખિત ફરિયાદ કરી હતી. સંચાલકના જણાવ્યા મુજબ, ફરિયાદ નોંધાવ્યાના થોડા સમય બાદ જ પોલીસકર્મીઓએ ફરીથી તેનો સંપર્ક કર્યો અને તેને તથા તેના પિતા-પુત્રને ધમકાવ્યા હતા.

પાર્લર સંચાલકે જણાવ્યું છે કે પોલીસકર્મીઓ દ્વારા દુકાન બંધ કરાવવા માટે દબાણ કરવામાં આવ્યું હતું અને ત્યારબાદ ફરિયાદ કરતાં તેમને અને તેમના પરિવારને નિશાન બનાવવામાં આવ્યા છે. આ સમગ્ર ઘટનાક્રમ બાદ સ્થાનિક પોલીસની કાર્યપદ્ધતિ સામે પ્રશ્નો ઊભા થયા છે.