થરાદ નજીક ભારતમાલા હાઇવે પર રખડતા આખલા સાથે અથડાતા લક્ઝરી કારનો કચ્ચરઘાણ નીકળ્યો

રાજ્યમાં રખડતા ઢોરનો ત્રાસ દિવસેને દિવસે જીવલેણ સાબિત થઈ રહ્યો છે. તાજેતરમાં ગુજરાતના થરાદ નજીક ભારતમાલા હાઇવે પર એક અત્યંત ગંભીર અને હૃદયદ્રાવક અકસ્માત સર્જાયો હતો. હાઇવે પર પૂરઝડપે દોડી રહેલી એક લક્ઝરી એસયુવી અચાનક સામે આવી ગયેલા આખલા સાથે ધડાકાભેર અથડાતાં મોટો અકસ્માત સર્જાયો હતો.

આ અકસ્માત એટલો ગંભીર હતો કે, લેન્ડ રોવર કારના ટુકડે ટુકડા થઈ ગયા હતા. કારની હાલત જોતાં અકસ્માતની ભયાનકતાનો અંદાજ લગાવી શકાય છે.

આ ગંભીર અકસ્માતનો વિડીયો હાલ સોશિયલ મીડિયા પર ખૂબ જ વાયરલ થઈ રહ્યો છે, જે રખડતા ઢોરના કારણે સર્જાતી અકસ્માતોની ગંભીરતા દર્શાવે છે.