ડીસા નજીક ટ્રેલર-બાઈક અકસ્માતમાં યુવકનું કમકમાટીભર્યું મોત

ડીસા નજીક ટીવી પેટ્રોલ પંપ સામે આજે એક ગમખ્વાર માર્ગ અકસ્માત સર્જાયો હતો. આ અકસ્માત એક ટ્રેલર અને બાઈક વચ્ચે થયો હતો, જેમાં એક યુવકે જીવ ગુમાવ્યો હતો.

પ્રાપ્ત માહિતી અનુસાર, અકસ્માત એટલો ભયાનક હતો કે બાઈક પર પાછળ બેઠેલો યુવક ટ્રેલરમાં ઘૂસી ગયો હતો અને ઘટનાસ્થળે જ તેનું કચડાઈ જવાથી મોત નીપજ્યું હતું. આ ઘટનાના પગલે સમગ્ર વિસ્તારમાં અરેરાટી ફેલાઈ ગઈ હતી.

અકસ્માતની જાણ થતાં મોટી સંખ્યામાં લોકો ઘટનાસ્થળે એકત્ર થઈ ગયા હતા. બનાવની જાણ થતાં ડીસા પોલીસ પણ તાત્કાલિક ઘટનાસ્થળે પહોંચી ગઈ હતી અને પરિસ્થિતિનો તાગ મેળવી કાયદેસરની કાર્યવાહી હાથ ધરી હતી. પોલીસે મૃતદેહનો કબજો લઈ પોસ્ટમોર્ટમ માટે ખસેડવાની કાર્યવાહી હાથ ધરી છે.