మావల: అండర్ పాస్ కింద దొంగిలించిన బైక్ దగ్ధం

మావల మండలం దుబ్బగూడ వద్ద జాతీయ రహదారి అండర్పాస్ కింద ద్విచక్ర వాహనం మంటల్లో దగ్ధమైంది. బైక్ కాలిపోతుండటాన్ని గమనించిన స్థానికులు పోలీసులకు సమాచారం అందించారు. పోలీసులు మంటలను ఆర్పిన అనంతరం వాహనంపై ఉన్న ఛాసిస్ నంబర్ ద్వారా వివరాలు తెలుసుకున్నారు. వారం ఈ బైక్ దొంగతనానికి గురైనట్లు గుర్తించారు. నిందితుడిని పట్టుకునేందుకు పోలీసులు గాలింపు చర్యలు చేపట్టారు.