ડભોઇ સરિતા ઓવરબ્રિજ પર યુવકોનો વન-વે પર ધમાલ મસ્તીનો વીડિયો વાયરલ

વડોદરા રૂરલ ડભોઇમાં આવેલા સરિતા ઓવરબ્રિજ પર કેટલાક યુવકો દ્વારા વન-વે ટ્રાફિક નિયમોનો ભંગ કરી જાહેરમાં ધમાલ મસ્તી કરવાનો વીડિયો સોશિયલ મીડિયા પર ખૂબ જ વાયરલ થઈ રહ્યો છે. આ વીડિયોમાં યુવકો ઓવરબ્રિજ પર એક તરફી ટ્રાફિક હોવા છતાં બેફામ રીતે વાહનો ચલાવી અને અન્ય ગેરવર્તણૂક કરતા નજરે પડે છે.

જાહેર માર્ગ પર યુવકો દ્વારા કરવામાં આવેલી આ બેફામ ધમાલ મસ્તી અને ગેરવર્તણૂક કેમેરામાં કેદ થઈ છે, જેનો વીડિયો હવે સોશિયલ મીડિયા પર ઝડપથી ફેલાઈ રહ્યો છે. આ પ્રકારની પ્રવૃત્તિઓ ટ્રાફિક નિયમોના ઉલ્લંઘન સમાન છે અને જાહેર સલામતી માટે પણ જોખમી બની શકે છે.

આ વાયરલ વીડિયો બાદ લોકોમાં ચર્ચાનો વિષય બન્યો છે કે શું પોલીસ આ યુવકો સામે કોઈ કાર્યવાહી કરશે? જાહેર માર્ગ પર આ પ્રકારની બેદરકારી અને નિયમોનો ભંગ કરનારાઓ સામે કાયદેસરની કાર્યવાહી થવી જોઈએ તેવી માંગ ઉઠી રહી છે.