પલસાણા નજીક નેશનલ હાઈવે પર કાર-એક્ટિવા ટકરાયા, એક્ટિવા ચાલક ગંભીર રીતે ઘાયલ

પલસાણા તાલુકાના કરણ ગામના પાટિયા નજીક નેશનલ હાઈવે નંબર-48 પર આજે એક ગંભીર માર્ગ અકસ્માત સર્જાયો હતો. આ અકસ્માતમાં એક કાર અને એક્ટિવા વચ્ચે જોરદાર ટક્કર થઈ હતી.

અકસ્માત બાદ એક્ટિવા ચાલક રોડ પર પટકાયો હતો, જેના કારણે તેને ગંભીર ઈજાઓ થઈ હતી. ઘટનાની જાણ થતાં જ આસપાસના લોકો તાત્કાલિક ઘટનાસ્થળે દોડી આવ્યા હતા.

સ્થાનિક લોકોએ તાત્કાલિક 108 ઈમરજન્સી સેવાને જાણ કરી હતી, જેથી ઈજાગ્રસ્તને તાત્કાલિક સારવાર મળી શકે.