ખેડબ્રહ્મામાં ભાદરવી પૂનમ નિમિત્તે સાબરકાંઠા પોલીસ પરિવાર દ્વારા ધ્વજારોહણ..

સાબરકાંઠાના-:
ખેડબ્રહ્મા ખાતે ભાદરવી પૂનમનો પાવન પર્વ અત્યંત ઉત્સાહ અને ભક્તિભાવ સાથે ઉજવવામાં આવ્યો હતો. આ અવસરે સાબરકાંઠા પોલીસ પરિવાર દ્વારા મા જગદંબાના ચરણોમાં શ્રદ્ધાપૂર્વક શિશ ઝુકાવી ધ્વજારોહણ કરવામાં આવ્યું હતું.

આ ધાર્મિક કાર્યક્રમમાં સાબરકાંઠા પોલીસ અધિક્ષક પાર્થરાજસિંહ ગોહિલ ખાસ ઉપસ્થિત રહ્યા હતા.તેમણે પોલીસ પરિવારના અન્ય સભ્યો સાથે મળીને માતાજીની પૂજા-અર્ચના કરી અને ધ્વજારોહણની વિધિ સંપન્ન કરી હતી.ભાદરવી પૂનમના આ પવિત્ર દિવસે પોલીસ વિભાગ દ્વારા આયોજિત આ કાર્યક્રમમાં શ્રદ્ધા અને સમર્પણની ભાવના જોવા મળી હતી, જેમાં સમગ્ર પોલીસ પરિવારે સહભાગી થઈને મા જગદંબાના આશીર્વાદ મેળવ્યા હતા.