નાયબ મુખ્યમંત્રી હર્ષ સંઘવીએ બનાસકાંઠા પોલીસ પરિવાર સાથે અંબાજી મંદિરે ધજા ચડાવી..

ભાદરવી પૂનમના પાવન અવસરે ગુજરાત રાજ્યના નાયબ મુખ્યમંત્રી હર્ષ સંઘવીએ બનાસકાંઠા પોલીસ પરિવાર સાથે અંબાજી ખાતે આવેલા મા અંબાના સુવર્ણ શિખરે ધજા ચડાવી હતી.આ ધાર્મિક કાર્યક્રમમાં તેમણે પોલીસ પરિવાર સાથે જોડાઈને ધન્યતા અનુભવી હતી..

આ પ્રસંગે નાયબ મુખ્યમંત્રી હર્ષ સંઘવીએ પોલીસ કર્મીઓ અને તેમના પરિવારો સાથે સમય પસાર કર્યો હતો.ભાદરવી પૂનમનું આયોજન અને તેમાં પોલીસ પરિવારની ભાગીદારી વિશેષ મહત્વ ધરાવે છે.મા અંબાના આશીર્વાદ મેળવીને હર્ષ સંઘવીએ જણાવ્યું હતું કે આવા પવિત્ર અવસરો પર પોલીસ પરિવાર સાથે જોડાઈને તેમને આનંદ થાય છે. તેમણે પોલીસ કર્મીઓની ફરજ પ્રત્યેની નિષ્ઠા અને સેવાભાવની પણ પ્રશંસા કરી હતી.