સુરતના અમરોલીમાં જ્વેલર્સના શોરૂમમાં ભીષણ આગ.

સુરતના અમરોલી ચાર રસ્તા પાસે આવેલા પ્રખ્યાત એમ. એન. જ્વેલર્સ (MN Jewellers) ના શોરૂમમાં અચાનક ભીષણ આગ ફાટી નીકળી.

ઘટનાની ગંભીરતાને જોતા કતારગામ અને અમરોલી સહિત જુદા જુદા ૧૩ ફાયર સ્ટેશનો પરથી ૧૫ થી વધુ ફાયર ફાઈટરોની ટીમ તાત્કાલિક ઘટનાસ્થળે પહોંચી હતી.

ફાયર બ્રિગેડના જવાનોએ ભારે જહેમત બાદ એક જ કલાકમાં આગ પર સંપૂર્ણ કાબૂ મેળવી લીધો છે અને હાલ કૂલિંગની પ્રક્રિયા ચાલુ છે.

શોરૂમમાં રાખેલા સોના-ચાંદીના દાગીના અને ઇન્ટિરિયર બળીને ખાખ થઈ જતાં લાખો રૂપિયાના આર્થિક નુકસાનની આશંકા છે.

સદનસીબે સમયસર લેવાયેલા પગલાંને કારણે કોઈ જાનહાનિ થઈ નથી.

પ્રાથમિક તપાસમાં આગ લાગવાનું કારણ શોર્ટ સર્કિટ હોવાનું સામે આવી રહ્યું છે.