પલસાણા: બારાસડી ગામે રણછોડજી મંદિરે મેઘા મેડિકલ કેમ્પનું આયોજન

પલસાણા તાલુકાના બારાસડી ગામે આવેલા સુપ્રસિદ્ધ રણછોડજી મંદિરે એક વિશાળ મેડિકલ કેમ્પનું આયોજન કરવામાં આવ્યું હતું. આ મેડિકલ કેમ્પનું આયોજન 'સેવા સંકલ્પ અભિયાન' અંતર્ગત હાથ ધરવામાં આવ્યું હતું.

આ અભિયાન વડાપ્રધાન નરેન્દ્ર મોદીના જાહેર જીવન અને જનસેવાના ૨૫ વર્ષ પૂર્ણ થવાની ઉજવણીના ભાગરૂપે યોજાયું હતું. આ પ્રસંગે લોકોને આરોગ્ય સેવાઓ પૂરી પાડવાના ઉમદા હેતુ સાથે મેડિકલ કેમ્પ ગોઠવવામાં આવ્યો હતો.

રણછોડજી મંદિરમાં યોજાયેલા આ મેઘા મેડિકલ કેમ્પમાં વિવિધ રોગોના નિદાન અને સારવાર માટે નિષ્ણાત ડોક્ટરોની ટીમ ઉપસ્થિત રહી હતી. સ્થાનિક નાગરિકોએ આ આરોગ્ય સુવિધાનો લાભ લીધો હતો.