અમદાવાદ: ઢાલગરવાડમાં દુકાનમાં તોડફોડ કરનાર લુખા તત્વોનો પોલીસે જાહેરમાં વરઘોડો કાઢ્યો

અમદાવાદના ઢાલગરવાડ વિસ્તારમાં 7 થી 8 જેટલા લુખા તત્વોએ એક દુકાનમાં ઘૂસીને તોડફોડ મચાવ્યાની ઘટના સામે આવી છે. આ કૃત્યથી સ્થાનિક વેપારીઓમાં ભયનો માહોલ સર્જાયો હતો.

ઘટનાની જાણ થતાં જ કારંજ પોલીસે તાત્કાલિક ધોરણે કાર્યવાહી હાથ ધરી હતી. પોલીસે સક્રિયતા દાખવી આરોપીઓને ઝડપી પાડ્યા હતા અને કાયદાના પાઠ ભણાવવા માટે તેમનો જાહેરમાં વરઘોડો કાઢ્યો હતો.

પોલીસ દ્વારા કરવામાં આવેલી આ ઝડપી અને અસરકારક કાર્યવાહીથી સ્થાનિક વેપારીઓમાં ખુશીની લાગણી જોવા મળી રહી છે. વેપારીઓએ પોલીસની કામગીરીને બિરદાવી છે અને કાયદો-વ્યવસ્થા પરનો તેમનો વિશ્વાસ વધુ મજબૂત બન્યો છે.