ભુજ: સંજોગનગરમાં પરિણીતાએ અગમ્ય કારણોસર ગળેફાંસો ખાઈ ટૂંકાવ્યું જીવન

ભુજ શહેરના સંજોગનગર વિસ્તારમાં રહેતા શીરીનબેન અબ્દુલકાદર ખત્રી નામની 29 વર્ષીય પરિણીતાએ કોઈ અગમ્ય કારણોસર પોતાના ઘરે ગળેફાંસો ખાઈ જીવન ટૂંકાવ્યું હતું.

આ બનાવની જાણ થતાં જ પોલીસ ઘટનાસ્થળે પહોંચી હતી અને પરિણીતાને તાત્કાલિક સારવાર માટે ભુજની જી. કે. જનરલ હોસ્પિટલ ખાતે ખસેડવામાં આવ્યા હતા. જોકે, હોસ્પિટલના ફરજ પરના તબીબે તેમને મૃત જાહેર કર્યા હતા.

આ ઘટના અંગે ભુજ શહેર એ-ડિવિઝન પોલીસે અકસ્માત મોતનો ગુનો નોંધી વધુ તપાસ હાથ ધરી છે. પોલીસ હાલ અગમ્ય કારણોની તપાસ કરી રહી છે.