સેવા સંકલ્પ અભિયાન" અંતર્ગત મહીસાગર જિલ્લાની પ્રાથમિક અને માધ્યમિક શાળાઓમાં 'સ્વચ્છતા એ જ સેવા' મહાઅભિયાન

"સેવા સંકલ્પ અભિયાન" અંતર્ગત મહીસાગર જિલ્લાની ૧૧૮૯ પ્રાથમિક શાળાઓમાં 'સ્વચ્છતા એ જ સેવા' મહાઅભિયાન સંપન્ન: અંદાજે ૨૫.૭ ટન ઘન કચરાનો નિકાલ કરાયો

રાજ્યભરમાં ચાલી રહેલા "સેવા સંકલ્પ અભિયાન" અંતર્ગત આજરોજ મહીસાગર જિલ્લામાં 'સ્વચ્છતા એ જ સેવા' કાર્યક્રમ હેઠળ વ્યાપક સફાઈ ઝુંબેશ હાથ ધરવામાં આવી હતી. જિલ્લાના તમામ ૮ તાલુકાઓની પ્રાથમિક માધ્યમિક અને ઉચ્ચતર માધ્યમિક શાળાઓમાં શાળા કક્ષાએ ઘન કચરાના વ્યવસ્થિત નિકાલ અને સફાઈ માટે આ વિશેષ મહાઅભિયાન યોજાયું હતું. આ અભિયાન માં શાળાના શિક્ષકો કર્મચારીઓ વાલી સમુદાય અને સેવા સંસ્થાઓ જોડાઈ દેશ ને સ્વચ્છ અને સ્વસ્થ બનાવવાનો સંદેશ આપ્યો હતો