હિંમતનગરમાં 'ગણપતિ બાપ્પા મોરિયા'ના નાદ સાથે ભક્તિભાવપૂર્વક ગણેશજીની વિદાય..

સાબરકાંઠાના-:
હિંમતનગર શહેરમાં ગણેશ ઉત્સવની પૂર્ણાહુતિ ભક્તિભાવપૂર્વક સંપન્ન થઈ. શહેરના વિવિધ વિસ્તારોમાંથી ગણેશજીની મૂર્તિઓને 'ગણપતિ બાપ્પા મોરિયા,અગલે બરસ તું જલદી આ'ના ગગનભેદી નારાઓ સાથે ઢોલ-નગારા અને ડી.જે.ના તાલે શોભાયાત્રા સ્વરૂપે કાઢવામાં આવી હતી..

આ શોભાયાત્રાઓ શહેરના મુખ્ય માર્ગો પરથી પસાર થઈ હતી, જેમાં મોટી સંખ્યામાં ભાવિકો જોડાયા હતા. લોકોએ ગણેશજીની મૂર્તિઓને અશ્રુભીની આંખે વિદાય આપી હતી અને આવતા વર્ષે ફરીથી પધારવા પ્રાર્થના કરી હતી. શહેરના તળાવો અને અન્ય નિર્ધારિત સ્થળોએ સુરક્ષા વ્યવસ્થા વચ્ચે મૂર્તિઓનું વિસર્જન કરવામાં આવ્યું.આ પ્રસંગે પોલીસ અને વહીવટી તંત્ર દ્વારા ચુસ્ત બંદોબસ્ત ગોઠવવામાં આવ્યો હતો.જેથી કોઈ અનિચ્છનીય ઘટના ન બને.સમગ્ર શહેરમાં ઉત્સાહ અને ધાર્મિકતાભર્યું વાતાવરણ છવાયેલું રહ્યું હતું.